Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Teritori > Ambient > Un pocje di storie


[Translate to Friulano:] Cenni storici

Cormòns si jeve dulà che a finissin i rilêfs dal Cuei e e tache la planure. I siei confins ju segnin bande soreli jevât i cuei de Boatine e la Vierse, bande misdì la plane dal cuel di Migjee, bande soreli a mont il Judri; bande tramontan, subit daûr dal paîs, si jeve il Quarin, la ultime riviesse dal Cuei.

L'insediament al à tacât a disvilupâsi a partî di une crosere. Une vie romane che e passave su di un percors plui antîc ancjemò e vignive di Cividât (Forum Iulii), e passave l'antîc transit sul Lusinç (Pons Sontii) e e leve indenant bande la valade dal Vipau. Un altri percors impuartant al puartave a Aquilee e al mâr. Il fat che il Quarin, la mont parsore Cormòns, si cjatàs cussì dongje di chest percors i de un grant valôr strategjic.

Inconfondibil, cui siei 274 metris di altece e il profîl di clevis dolcis, il Quarin al è une cuinte naturâl maraveose, che e gambie cu lis stagjons. Il cjistiel su la sô cime al fo par tant timp un puest strategjic pal control de planure, soredut de strade sot, che di Gurize e puartave a Cividât. Par chel sal continderin i Patriarcjis di Aquilee e i Conts di Gurize vie pai secui XIII e XIV; tal 1508, dopo di un lunc assedi e par mieç di un argalif, lis trupis venezianis lu fiscarin; al tornà sot des trupis asburgjichis tal 1514; Massimilian I al de ordin di butâ jù une part; tes 'Vueris di Gardiscje' il cjistiel al fo di gnûf ocupât tal 1615 par un pôc dai Venezians, che a restaurarin la fuartece e la ocuparin cu lis lôr trupis e cu lis lôr artiliariis.

In dì di vuê, il cjistiel al conserve rescj medievâi preseabii e al rapresente, insiemit cu la Glesie dal Sîscent avodade ae Beade Vergjin che e je subit sot, un biel panorame par cui che al cjale di li bande des Alpis e de planure furlane fin al mâr. La cleve bande de citât si preste a bielis gjitis fra lis cjasis colonichis furlanis, lis vignis e i pomârs su lis antighis teracis.

Lis clevis bande tramontan e il Parc di Plessive, taponâts di cjastinârs, rôi e agacis, a son invezit i puescj miôr par cui che al vûl fâ une gjite tal vert.