Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Teritori > Risorsis naturâls > Il bosc


[Translate to Friulano:] Il Bosco

legna
legna

Tant che ducj i terens no coltivâts, il bosc nol ufrive nome la pussibilitât di cjaçâ e di cjapâ sù lis pomis, ma ancje di rifurnîsi di len, materie prime di impuartance grandonone intune ete cuant che cuasi dut al jere fabricât cun chel materiâl: cjasis e altris edificis rurâi, mobilie, massarie, cassons par conservâ cereâi e recipients di doprâ pe vinificazion, spaltadis par segnâ i confins o cun funzions di difese, cjars e nâfs.

Il len al coventave sì par scjaldâsi, ma ancje par produzions artesanâls preseadis. Cun di plui i pâi secs si ju doprave tai vignâi, ancje se, stant che il legnam al jere par plui scjars, si cirive di sparagnâlu e di tignî sù lis vîts cui arbui.
La presince di culinis a bosc e à simpri caraterizade la zone di Cormòns. Fintremai de ete romane il bosc al segnave il limit dai teritoris coltivadis, e al jere ancje il puest dulà che l’om nol veve metût man te tiere, cussì che lis divinitâts dal bos a podevin considerâle cjase lôr. Su lis cuestis de mont Quarine a son stât cjatâts reperts di arzile e di marmul, de ete romane, che a confermin la esistence di un santuari consacrât a lis deis da lis aghis.

Lant ator pai trois daûr Cormòns al è un plasê cjalâ ben l’ambient, lis olmis des bestiis e dai uciei, rivâ a capî la morfologjie dai terens de cualitât de fuee.

I cjastinârs, di fat, a cressin su substrâts di savalon, i rôi invezit su la ponche. Dut câs, la ombrene fisse dai arbui e l’umit dal bosc a discjolin cui che al passe e, ancje se no ducj a sintin un revoc di ninfis o fadis, al devente palês che culì a regnin plantis e bestiis: une volte passât, subite daûr i baraçs si tornin a sierâ e al semee che il pas nol lassi nissune olme sul tapêt di fueis e su lis çopis motis dai cenglârs.