Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Teritori > Risorsis naturâls > I prâts


I Prâts

prati
prati

Te Ete di Mieç, te zone di Cormòns si destinavin a lis coltivazions di mangjadure i terens insom de planure, tra Borgnan, Vilevuarbe e Migjee, dilunc la Vierse, po tal Preval, la concje, tra lis culinis daûr, che une volte e jere cuasi dal dut palût, e no lontan dal abitât, inte localitât clamade propite Pradis. Il puest al è dongje de Subìda, che il non al ven dal latin subsaeciva.

Cun cheste peraule si intindeve, in Ete Romane, une aree di piçulis dimensions ai confins dal teritori centuriât, o ben di chel teritori che une rêt di stradis e canâls e divideve in zonis cuadradis e coltivadis: lis centuriis. Cormòns al jere propit al limit de centuriazion di Aquilee, che e rivave fin da pît des primis culinis. Lis zonis centadis ad ôr des coltivazions, tes depressions umidis o sui rivâi dai flums a jerin coltadis e par plui destinadis a prât e no a passon. La proprietât di chescj terens e jere une vore bramade, parcè che a siguravin la mangjadure pai nemâi.

Pal ûs comun si dopravin invezit i cjamps coltivâts dopo de racuelte, e ancje i terens pustots ai confins dal insediament. I abitants di chenti a barufavin dispès fra di lôr pal sfrutament di chestis zonis, e ancje cun chei che a stevin tai paîs dongje: jerbe frescje e fen no si cjatavin par dut.