Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Cultura e turismo > Biblioteche > Leture in sede


LETURE IN SEDE / ASSISTENZA / DIDATTICA

Contatti

sede: via matteotti, 77
telefono: 0481/61451
e.mail: biblioteca@com-cormons.regione.fvg.it
sito web:  bibliogo.ccm.it

Leture in sede e consultazion

 

I servizis di leture a son a disposizion di ducj i citadins, ancje se no son iscrits al servizi di prestit. Si pues jentrâ tes salis di leture cun libris e documentazion di proprietât personâl: in chest câs, ogni letôr al à di mostrâ chest materiâl ai operadôrs de biblioteche. Al è permetût di doprâ computers personâi, e il colegament a la rêt eletriche al è a gratis. Al è ancje pussibil domandâ assistence al personâl.

Intes salis di leture la consultazion e je libare e no à nissune limitazion di cuantitât.

Par cjatâ i documents che ur interessin, i letôrs a puedin:

  • domandâ assistence al personâl de biblioteche;
  • sielzi di bessôi i libris des scansiis viertis;
  • consultâ il catalic eletronic locâl e il catalic a schedis;
  • domandâ i libris al personâl in servizi li dal banc des informazions.

Assistence e consulence

Il personâl de biblioteche al è a disposizion dai iscrits al servizi par dutis lis informazions su la organizazion dai servizis, sul ûs dai catalics e su cemût cjatâ fûr lis informazions che a coventin.

La biblioteche e ufrìs assistence gjenerâl pe ricercje di informazions su cualsisedi argoment, indreçant al ûs des fonts documentariis presentis inte sede o conseant bibliotechis e centris di documentazion specialistics dulà continuâ la ricercje; e cîr ta chês altris bibliotechis i libris e i documents domandâts dai utents, metint a disposizion il servizi di prestit interbibliotecari; e da informazions bibliografichis e assistence te ricercje di informazions su internet.

Didatiche de biblioteche

La biblioteche e ufrìs i servizis di orientament, assistence e consulence ai insegnants des scuelis di Cormòns par ce che al rivuarde la istruzion bibliografiche e il plasê de leture, e e propon visitis vuidadis cun percors studiâts pes diferentis fassis di etât, di adatâ a lis esigjencis dai insegnants.