Comune di Cormòns

Il patrimoni de biblioteche, di plui o mancul 19.000 unitâts bibliografichis, al è catalogât in maniere eletroniche fintremai dal 1998. Al è organizât a scansie vierte pe consultazion direte dal public, daûr de Classificazion Decimâl Dewey. Al è dividût intune sezion gjenerâ, une sezion locâl, une sezion Zinco, une sezion fantats, une racuelte di cuotidians e periodics e une sezion audiovisîfs e multimediâl.

I dâts si puedin consultâ cussì:

• il Catalic eletronic locâl (dai computers de biblioteche metûts a disposizion dal public) al da informazions bibliografichis su libris modernis, audiovisîfs, risorsis eletronichis, periodics, Font Zinco.
• il Catalic a schedis al da informazions sui libris modernis acuisîts prime dal 1998. Si lu eliminarà une volte completade la catalogazion eletroniche retrospetive; partant si consee ai utents di tignî in considerazion i siei limits cronologjics.

Altris catalics

Se la biblioteche no à un document, si puedin consultâ i catalics di chestis bibliotechis, che si ur pues ancje inviâ domandis di prestit interbibliotecari o di documentazion:

• Indiç Fusa: ricercje tal catalic eletronic coletîf des bibliotechis che a fasin part dal Sisteme Bibliotecari de provincie di Gurize, in biblioteche dai computers a disposizion dal public o vie Internet tal sît dal Consorzi Culturâl Monfalconês;
• Indiç SBN: ricercje on-line tal catalic coletîf des bibliotechis che a fasin part dal Servizi Bibliotecari Nazionâl;
• Mai – MetaOPAC Azalai Italiano: ricercje on-line tal catalic complessîf di dutis lis bibliotechis talianis;
• Opac talians: informazions e acès ai catalics, ugnui e coletîfs, des bibliotechis talianis disponibii vie Internet;
• Opac tal mont: repertoris gjenerâi di catalics di bibliotechis disponibii vie Internet.

I catalics ugnui e coletîfs des bibliotechis disponibii vie Internet si puedin consultâ tal sît de Associazion Taliane Bibliotechis: www.aib.it