Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 7

Lâts vie di Cormons, si va sù pes cuestis de mont Quarin, fin al plaçâl fat par parcâ lis machinis, dongje de glesie de Beade Vergjine dal Socors; po si cjape il troi dal riu Smerdar fin ae confluence cul troi dal Limbandt, e vie par chel si torne a lâ par sù, tornant ae posizion di partence.

Legenda
Legenda

Descrizion

L’itinerari al met adun tocs de strade panoramiche (percors B4), dal troi dal Riu Smerdar, segnât da la segnaletiche D6, e di chel dal Limbandt, cun segnevie D5. Lâts vie di Cormons, si va sù vie pe strade panoramiche fin al plaçâl destinât a parcâ lis machinis, dongje dal cjistiel e de glesie de Beade Vergjin dal Socors. Cjapât il troi (D6), si va jù fin al Riu Smerdar, che al cor da pît de val che e divît il Quarin da la mont Mò.

La zone, incidude dal dilavament des aghis, e je cuvierte dal dut da la boscaie: tra cjastinârs e rôi a cressin aiars, bedois, frassins, cjarpins e, par dut, plantis di acaciis (Robinia pseudoacacia).

Rivâts insom dal bosc, furnît di postazions di cjace, si traviers il riul – e chest, cuant che a son ploiis abondantis, al pues jessi dificil – e si rive a une beorcje. A chest pont si pues lâ indenant e rivâ al anel de mont Quarin (percors B1) dongje di Cà des Valadis, rivâ a Breçan e tornâ di li a Cormons, o ben tornâ indaûr pal troi dal Limbandt (D5). Daspò di un toc di salide pluitost ripide, il bosc al finìs e si cjatisi a cjalâ, dal bas, la fughe dai festons verts di une vigne che e va sù viers il cîl. In curt si torne li de strade e si rive al ristorant Monte Quarin, a pôcs pas dal pont di partence.