Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 06

Itinerari 06

Rivâts li de gleseute dal SS. Crocifìs di Subìda, si va indenant tal bosc fin ae bivort: cjapant il troi su la çampe si va jù fin tal maneç de Subìda; cjapant chel di diestre si va sù fin su la cime dal Cuel des Crôs Altis e di li si torne indaûr vie pal stes percors de lade o ben si pues la jù fin a Caprive.

Legenda
Legenda

Descrizion

Il troi des Crôs Altis, che si pues percori a pît, in biciclete o cul cjaval, al va indenant sui rilêfs a soreli jevât di Cormons e di li si gjolt di une vision panoramiche de plane dal Preval. Al jere un antîc bacin lacustri, po al deventà palût che e fo bonificade vie pal Nûfcent.

Lâts vie di Cormons, si rive li de gleseute dal Santissim Crocifìs di Subìda, che al va indaûr al 1597.

Il troi al va sù in bande a la glesie e al jentre intun bosc di cjastinârs. 
Daspò di un piçul trat si rive a un bivort. Cui che al cjape la vie plui a plan, su la çampe, al larà da la ombrene dai cjastinârs ai vignâi, cuntune visuâl largje sul Preval, po al larà jù viers il complès agrituristic de Subìda e al rivarà li de strade asfaltade dongje dal maneç.

Cui che al larà a diestre al larà sù a traviers il bosc fin li di un vecjo cjasâl che al è li di un vignâl, su la curve de strade, abandonât al aiar e a la ploie, al soreli e al timp. Po, se al varà voie, al larà indenant par lâ sù sul cuel des Crôs Altis. Di là, tra lis vîts, prin al viodarà la planure che si slargje a sud di Cormons po, se al larà indenant dilunc dal troi che al va dentri une altre volte tal bosc, al rivarà in viste di altris culinis coltivadis a vît, de vile di Spesse e dal cjastielet in stîl di Windsor di Russiz. Li al viodarà la strade lâ jù in direzion de tignude de Roncada e al varà di sielzi se continuâ fin a Caprive o tornâ indaûr vie pal stes troi.