Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 4

Itinerari 4

Itinerari te zone di Montona: da la S.S. 409, dongje di Subìda, si va sù pai versants orientâi dal Quarin fin ae glesie de Beade Vergjin dal Socors, aes ruvinis dal Cjistiel e ae cime de mont.

Legenda
Legenda

Descrizion

Ancje cheste strade e rive in cime dal Quarin. E partìs da la S.S. 409 dongje de Subìda e e travierse la localitât di Montona, sui versants orientâi de mont. Si va sù tra i vignâi a teracis e il bosc, dulà che i cjastinârs a lassin il puest a man a man ai rôi. Di cuant in cuant il voli al pues spaziâ: alore si viodin simpri in prospetivis gnovis lis rivis dal Quarin, modeladis dai vignâi o cuviertis di une vegjetazion fisse, il percors dai cjamps te plane dal Preval, i rilêfs dal Cuei cui paîs dominâts dai tors.

Cuasi in cime la strade asfaltade e cjape dentri prime il troi dal Mo (percors D1), che al rive a traviers dal bosc li dal parc di Plessive, po chel dal Cret Paradîs (percors D2), che al cor jù ripit viers Cormons. In fin un toc di strade blancje al puarte li de glesie de Beade Vergjine dal Socors e aes ruvinis dal Cjistiel. Intant la visuâl e je cambiade dal dut.