Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerari 03

Da la Vie San Zuan, che e unìs Cormons a Breçan, si cjape la strade panoramiche che e va sù viers lis ruvinis dal Cjistiel e la glesie de Beade Vergjine dal Socors. Al pussibil tornâ indaûr vie pe strade di Montona.

Legenda
Legenda

Descrizion

L’itinerari panoramic (percors B4), che, dal dut asfaltât, si stache de vie San Zuan che e va di Cormons a Breçan, al permet di rivâ fin ae cime dal Quarin. Il paîs e la campagne coltivade a restin in bas e, li che al è un svolt, si vierç la visuâl sul Cuei. 
Ai lâts de strade a partissin i trois: chel des Tieris Rossis (percors D7) al va viers il cuel di San Zorç, parsore di Breçan; chei dal Limbandt (percors D5) e dal Riu Smerdar (percors D6) a van sot de ombrene dal bosc, dulà che a tornin a unisi par saltâ fûr sul anel de mont Quarin (percors B1), che al è l’itinerari che o vin descrivût parsore. Invezit la strade panoramiche li di un slarc che si dopre par parcâ lis machinis e li al è un panel che al à la mape da la aree, cul percors dai trois.

Lassât il plaçâl si rive li de glesie de Beade Vergjine dal Socors, che e fo fate sù tal 1636 pe volontât e cul sosten economic dal baron Luca Del Mestri, dotôr in teologjie e monsignôr, plevan di Cormons e arcidiacun di Gurize.

Dal spazi devant de glesie si viôt un biel panorame: da la campagne – segnade di filis di arbui, cjasâi e capanons, stradis – si alce il cuel scûr di Migjee cun Borgnan che al è dongje. In bas a son i cuvierts di Cormons e l’edifici dal Domo, dulà che la stesse glesie de Vergjine dal Socors si indrece.

Partîts di li glesie, si pues rivâ li des ruvinis dal Cjistiel par po tornâ a Cormons vie pal stes percors o, se si à voie di slungjâ l’itinerari, pe strade di Montona, segnade da la segnaletiche B5.