Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 12

Itinerari 12

Al è il classic itinerari di visite al centri di Cormons: da la Place XXIV Maggio, dulà che al è il Palaç Locatelli, si va viers i palaçs Del Mestri, Waiz Del Mestri e viers il Teatri Comunâl e po si rive in Place della Libertà, cul Santuari di Rose Mistiche e il monument in onôr dal imperadôr Massimilian I dai Asburcs, si va indenant viers la glesie di San Liopolt e la Vile Italie.

 

Legenda
Legenda

Descrizion

L’itinerari al è un classic percors di visite dal centri di Cormons. Si partìs de centrâl Place XXIV Maggio, dulà che al è il Palaç Locatelli. Al dì di vuê il notevul portâl al permet di lâ dentri tal spazi de scjale che al puarte tai plans superiôrs dal cuarp principâl dal palaç che, a forme di ele, al è tra la place e la Vie Matteotti. Li a àn la sede i uficis comunâi.

I cuarps che a son daûr dal palaç, dulà che si va dentri da la cort adatade come un zardin, a tegnin il gnûf Museu Civic dal Teritori, inaugurât ai 18 di Mai dal 2002.
Lâts vie da la place, si percor un toc de Vie Matteotti e si rive li dal Palaç Waiz-Del Mestri, che za al esisteve tal 1770. La façade e presente trê ordins, dulà che chel inferiôr al ten un grant portâl retangolâr cuntun clâf di volte antropomorfe. Parsore di lui, tal secont ordin, al è un balcon cuntun coronament circolâr che al sconfine tal ordin superiôr.
Tornâts te centrâl Place XXIV Maggio, po si va dilunc de Vie Nazario Sauro, che e mene al Teatri Comunâl, fat sù tal 1908 al puest di un edifici teatrâl datât 1846. Al veve doi ordins di palcs, eliminâts cuant che la struture e fo adatade a sale cinematografiche, tai agns Cincuante dal Nûfcent. Al è stât restaurât daspò dal taramot dal 1976.

La Vie Nazario Sauro e finìs te Vie Matteotti, che e coleghe chel che al è clamât ‘centri storic’ cuntun gnûf setôr di Cormons, svilupât dilunc de Vie Friuli. Daspò di un piçul toc si rive in Place della Libertà. Tal mieç a àn tornât a meti tal 1981 la statue dal imperadôr Massimilian I dai Asburcs, metude ca tal 1903 e tirade vie tai agns dopo de prime vuere mondiâl.

Su la place al è santuari de Rose Mistiche o glesie di Sante Catarine, strent tra lis cjasis e il convent des Muiniis da la Providence, une volte da lis Consûrs da la Caritât.

E va indaûr al Baroc ancje la glesie di San Liopolt, te Place Marconi, e li ator si è svilupât un altri nucli de gnove Cormons.