Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 11

Itinerari 11

Dal Domo e da la cente di San Adalbert si va viers la cente di San Zuan, cu la glesie omonime e po a la cente di Sante Marie cu la glesie di Sante Marie (Sante Apolonie).

Si va indenant viers il borc rurâl di Breçan e po si torne indaûr a Cormons.

Legenda
Legenda

Descrizion

L’itinerari proponût al puarte a la scuvierte des centis antighis. Cui che al va in direzion dal Domo, rivant de centrâl place XXIV Maggio, al pues viodi la struture di cente di San Adalbert, la plui antighe, costituide di une dople serie di cjasis metudis in maniere di formâ un perimetri difensîf intor ae alture dulà che e je la glesie.
Si cjape il passaç che al va sù tra il Domo e la Cjase de antighe plêf, vuê sede dal Museu dal Domo che al è viert e si lu pues visitâ.
Si rive li de façade de grande glesie, precedude di une scjalinade che, fate sù tal Sietcent par creâ, cu la plaçute denant, une senografie adeguade al aspiet imponent dal edifici, e puartâ ae demolizion parziâl de cente.
Dongje dai gradins dal presbiteri, su la diestre, une puarte e da acès al tor e ae sagristie. Cuant che si va fûr da la glesie, si torne a lâ par daûr dal edifici e si va drets viers la Vie San Zuan. Un panel al segnale la esistence de cente omonime. La struture e je da pît dal Quarin, vie pal percors de strade che e menave a Cividât e e je tignude ben.
 
A soreli jevât, ancje se in part a son canceladis par vie de costruzion de strade che e va sù al Quarin, si viodin lis olmis dal fossâl che al sierave l’insediament fortificât. Tra cjasis che a finissin une tes altris e curtîi che si incrosin e je la glesie che cumò e je intitulade a San Zuan, une volte a Sante Lussie.

Un ristiel al da acès al piçul prât che le siere e si viodin i segns des fondazions di un edifici plui antîc.

Di fat la glesie, che e je documentade dal 1093, plui voltis si le à fate sù e tornât a frescjâle. L’edifici di cumò al va indaûr al secul XV.
Sul prât e je une abitazion e voaltris, esitants, o domandait a cui che al è a stâ il permès di jentrâ. Us spieghin che, in efiets, si va dentri te glesie a traviers un passaç che al è ancje di proprietât privade, ma che voaltris, naturalmentri, o sês libars di jentrâ: la glesie e je di ducj, si pues forsit neâ a cualchidun di lâ dentri?
Lant in denant in direzion di Breçan, simpri lant pal percors de antighe strade par Cividât, si rive li de glesie di Sante Marie, pe int di Sante Apolonie, di origjin dal Tresinte.

De antighe cente che le sierave a restin i edificis che a son a soreli jevât e a misdì, un poç e une olme de muraie di soreli jevât, segnalade di un dislivel dal teren.

Si va indenant in direzion di Breçan. Nol è restât nissun segn de sô cente se no dome che tal andament a curve des cjasis che a son ator de glesie stesse. Cheste cente e je citade in documents dal tart Dusinte e al è probabil che e sedi stade butade jù par permeti di slargjâ la glesie di San Lurinç, te prime metât dal secul XVIII. A chest pont si pues tornâ indaûr fasint la stesse strade, dulà che al cor un fossâl plen di jerbis e di crots.