Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Itinerario 10

Itinerari 10

De place XXIV Maggio si va sù fin aes ruvinis dal cjistiel. Si torne indaûr percorint l’ultin toc de strade di Montona e lant jù vie pal troi dal Cret Paradîs, fin ae Vie Nazario Sauro.

Legenda
Legenda

Descrizion

Si pues ancjemò lâ sù sul cjistiel, butât jù tal 1514 par volontât dai Asburc, percorint il troi dal Porton Ros (percors D3) che al ripropon l’itinerari de strade antighe.

Si partìs di Place XXIV Maggio, dulà che tal Avost dal 1989 a son stâts cjatâts i rescj de cjase dal cont di Gurize. La esistence di cheste cjase e je documentade dal 1255. Rivâts dulà che si cjape il troi, che al è di pedrât cui balots di flum che a son stâts doprâts par pavimentâ lis viis de part plui antighe di Cormons e il sagrât des glesiis, si va sù a traviers dai vignâi, broilis a terace e boscs fin ae glesie de Beade Vergjine dal Socors. Di li si rive aes ruvinis dal cjistiel, che al fo ogjet di une lungje contese tra i patriarcjis di Aquilee e i conts gurizans.
Si torne indaûr percorint l’ultin toc de strade panoramiche di Montona (percors B5).

Daspò di une salide curte si rive a di une vigne, dulà che al è cualchi bôç: un cartel al racomande di no disturbâ lis âfs. Di chê altre bande il troi dal Cret Paradîs (percors D2) al va rive injù viers il paîs. Dongje dal troi, parsore dal ronc Benardelli, al è il sît che te epoche romane al fo consacrât aes Ninfis. Vuê al è impussibil rivâ.

No tant lontan e je la glesie di San Maur che e je li di un bielvedê situât tra la glesie de Beade Vergjine dal Socors e chê de Subìda. La part centrâl de sô façade e rive tal ferâl des cjampanis, invezit i lâts a finissin a ale e a àn un barcon, che tal Votcent al jere viert. Altris doi grancj barcons, ancje chei a sest acût e che a àn origjin tal Votcent, si vierzin sui flancs de glesie. Un portâl retangulâr al da acès al didentri che al à une aule sole e un presbiteri cun sofit a velis.

Parsore dal ingrès al è il steme dai Del Mestri, par ricuardâ in ce maniere che l’edifici – che al à origjins che si puedin colocâ tra il Trê e il Cuatricent – al fo restaurât a lôr spesis intant che si faseve sù sul Quarin, par volê di Luca Del Mestri, la glesie de Beade Vergjine dal Socors, vie pe prime metât dal Sîscent.

Il troi dal Cret Paradîs al ste fûr su la Vie Nazario Sauro. Se si à voie, si podarà traviersâ il centri di Cormons e rivâ, te Vie della Cancelleria vecchia, la cjase fortificade dai Neuhaus.