Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Teritori > Lis localitâts > Il borc di Insic


Il borc di Insic

immagine Giassico

Il borc di Insic

Il non dal borc di Insic al à tantis variants par furlan: Insic, Assic, Iassic. Forsit chest toponim al è di ete langobarde. In dì di vuê al è un tipic centri rurâl, cun cjasis indotadis di rustics e di curtîi internis biei grancj, dutis tor ator de place che e je simpri chê, dal Votcent in ca. Al da su la strade che e puarte in place il Palaç di Manzan, a forme di retangul compat. Alì al è nassût Francesc di Manzan, chel che al à scrits i Anâi dal Friûl.

La glesie di San Stiefin, di prin dal Cuatricent, e à une sole aule e un presbiteri cuadrât. Su la façade al fâs biele mostre il puartâl a arc acût, cui siei elements di cuet.

Soredut vie pal Votcent, la struture de glesie e gambià. Gnûf al è il presbiteri, e gnûf il tor su la façade, tal puest di chel a vele di prin. Dentri de glesie al è il sempliç e biel font batesimâl dal 1530. La pile da la aghe sante dal Cinccent e ricuarde chê de glesie di San Lurinç di Breçan. La pale dal altâr dal 1638, opare dal udinês Fulvio Griffoni, e mostre la Vergjin cul Bambin e i Sants Stiefin, Carli e Francesc.