Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade



Tu ti cjatis chi: Comun > Teritori > Lis localitâts > Breçan in curt


Breçan in curt

paesaggio di Brazzano

Breçan in curt

...Su chel che cumò al è il cuel di Sant Zorç, al jere une volte un cjistiel, che di sigûr in ete langobarde al jere inserît dentri de organizazion militâr.

Tal 1093 il Patriarcje Vodalrîc al lassave la Plêf di Breçan cun dutis lis sôs capelis e lis glesiis filiâls e lis decimis, i cuartês e ducj i dirits che i spietavin a la plêf, comprendude la glesie di Sant Zuan, tal convent di Rosacis. Cheste decision e segnà la division di Cormons, fate buine di un tratât fra Vignesie e la Austrie vie pal Sietcent.

Vie pai secui XII e XIII, tal cjistiel di Breçan a jerin a stâ i siôrs di Jonama, une famee che si finì tal 1292. Tal 1313 Mainart, cont di Gurize, lu fasè butâ jù par simpri.

Desenis di agns dopo di cheste date, i Cividalês a jerin ancjemò contraris a tornâ a fâ sù il cjistiel, come che al veve domandât di fâ il siôr Francesc dal puar Nicolau. Duncje la gleseute di Sant Zorç che e je cumò, cul so fin altâr di len dal Ridolfi, e je sigûr vignude fûr de antighe capele dal cjistiel. Come che a faserin sù la parochiâl di Sant Lurinç, ancje il simitieri lu spostarin tor ator di cheste...

(“Cormòns immagini e cronache del vecchio confine” test di Hans Kitzmüller)