Palazzo Locatelli - Piazza XXIV Maggio, 22 - Tel 0481.637111, Fax 0481.637112


Ricercje

Ricercje svelte

Ricercje avanzade





Il cuei di Migjee-Borgnan

il colle di Medea Borgnano

Il cuel di Migjee-Borgnan

Il Cuel di Migjee-Borgnan al è deventât Parc dal Comun che al è pôc, e di sigûr al merte cognossût pe sô conformazion litologjiche, pes plantis e pes bestiis che a vivin culì e pe sô storie.

Nol è cuissà ce grant: al è lunc dome 2,5 km. e larc un. La cime plui alte e rive a 130 metris parsore dal nivel dal mâr.

Pes sôs carateristichis e pe sô indole litologjiche al somee al Cjars. Bande nord si cjatin in grande bondance la tant nomenade "tiere rosse" e il vert. Bande sud est invezit si cjatin canâi, dolinis e grotis, e mancul vert, ancje se vie pai ultins agns al è daûr a infoltîsi.

Lis primis gnovis su la gjeologjie dal cuel lis vin par vie dai fossii tal 1845. A une des speciis "Sphaerulites" che a forin cjatadis sul Cuel i derin il non di "medeensis". Ancje Ardito Desio e Bruno Martinis si meterin a studiâ il Cuel, e i dâts dentri di "Notizie sulla costituzione geologica del Monte di Medea" ju tirarin dongje lôr tal 1925, tal cors des escursions dal prof. Desio intant che al jere fermât a Palme, il so paîs. Si son interessâts de gjeologjie dal cuel ancje il Taramelli, il Pirona, il Marinelli, il gjeolic austriac Stache e un sienziât cinês di Nanchin, Kwai-Cnuing-Pon. Sul Cuel si cjatin 11 toponims: Clapigna – che al ven di ‘clap’, vôs preromaniche, la part dal cuel che e cjale a sud est, il teren cun mancul vert e plui claps; Culm da mont - dal furlan, la dorsâl dal Cuel; Lûc di Cusit – une cjase mieze sdrumade che une volte e jere sigûr di un Cucit; Riva granda, che e cjale bande sud est dal cuel, dongje di un insediament de prime etât dal fier; Ronc - dal latin ‘runcare’, disboscâ, dulà che si va a fâ lens; Sant Antoni - la zone tor de gleseute avodade a chest Sant; Sot di Sant Antoni - a nord de glesie, e je la necropoli dulà che a son sapulîts i abitants dal insediament cjatât li de ‘Riva Granda’; Tal Bosc, a Nord Ovest dal Cuel; La piçule val, bande Borgnan; Sante Foscje – il non lu cjape de gleseute avodade a la Santae; Pesenalt - dal furlan busate, piçule val, doline.

(di "Sinfonia di colline" Quaderno del Monte Quarin n.3 test di Aldo Gallas)